Creu Amgylcheddau Effeithiol a Cynllunio ar gyfer Profiadau Diddorol

Creu Amgylcheddau Effeithiol

Disgrifiad o’r cwrs

Mae’r cwrs hwn yn archwilio sut i ddylunio a chynnal amgylchedd sy’n ganolog i brofiadau dilys plant ac ymdeimlad o berthyn. Byddwch chi’n cael mewnwelediad i sut y gall mannau addasol a throchi gynorthwyo archwilio, annibyniaeth a diogelwch emosiynol. Drwy enghreifftiau ymarferol a gweithgareddau myfyriol, byddwch chi’n dysgu sut i sefydlu a gwella’ch darpariaeth chi i ddiwallu anghenion amrywiol pob plentyn, gan sicrhau bod eich amgylchedd yn dod yn offeryn pwerus ar gyfer dysgu a datblygiad.

Deilliannau’r cwrs

Erbyn diwedd y cwrs hwn, byddwch chi’n gallu gwneud y canlynol:

• Disgrifio nodweddion amgylchedd effeithiol y blynyddoedd cynnar a’i effaith ar ddatblygiad plant.
• Nodi a thrafod y tri amgylchedd a’u rolau wrth alluogi dysgu
• Cydnabod meysydd allweddol o fewn darpariaeth barhaus a deall eu pwrpas wrth hyrwyddo archwilio ac ymgysylltu.
• Gwella meysydd darpariaeth i gynorthwyo buddiannau ac anghenion datblygiadol plant yn well.
• Myfyrio ar eich amgylchedd a’i gwerthuso i sicrhau ei bod yn parhau i fod yn ymatebol ac yn gynhwysol a’i bod yn cyfoethogi dysgu i bob plentyn.

Cynllunio ar gyfer Profiadau Diddorol

Disgrifiad o’r cwrs

Bydd y cwrs hwn yn eich arfogi chi â’r wybodaeth a’r ddealltwriaeth i gynllunio profiadau diddorol, ymarferol sy’n ystyrlon i daith ddysgu pob plentyn. Byddwch chi’n archwilio gwerth risg, her a llwyddiant mewn chwarae y blynyddoedd cynnar a phwysigrwydd caniatáu amser i blant archwilio yn ddwfn ac yn ddi-dor. Mae’r cwrs hefyd yn tynnu sylw at bŵer ailymweld â phrofiadau i atgyfnerthu dysgu, gyda ffocws ar broses y plentyn yn hytrach na’r canlyniad yn unig. Bydd y cwrs yn archwilio pwysigrwydd chwarae, perthnasoedd, a rôl yr oedolyn mewn dysgu sgaffaldio drwy ryngweithiadau ystyrlon a phryfociadau.

Deilliannau’r cwrs

Erbyn diwedd y cwrs hwn, byddwch chi’n gallu gwneud y canlynol:

• Cydnabod nodweddion profiad diddorol sy’n hyrwyddo cyfleoedd dysgu digymell ac wedi’u cynllunio.
• Deall pwysigrwydd chwarae di-dor wrth feithrin dysgu lefel ddwfn
• Cynllunio ar gyfer risg a her briodol i fagu gwytnwch, hyder, a sgiliau datrys problemau.
• Myfyrio ar werth ailymweld â phrofiadau i gryfhau ac ymestyn dysgu plant.
• Canolbwyntio ar daith ddysgu y plentyn, gan ddefnyddio arsylwadau i lywio cynllunio ystyrlon ac ymatebol.

Costau

Ddim yn berthnasol

Sesiynau

Mae’r amserlen hyfforddi bresennol ar gael yma

Gwneud cais am le

I wneud cais am le, cwblhewch ein ffurflen gais ni am hyfforddiant.

Os yw’r lle ar gael, bydd yn cael ei recordio ar Dewis a byddwch chi’n cael gwybod drwy e-bost.

Ymholiadau

Ffoniwch ein sef Hwb y Blynyddoedd Cynnar ar 01443 863232.