Gall costau gofal plant fod yn ddrud. Isod mae manylion yr opsiynau gofal plant a’r cymorth sydd ar gael a all helpu. Os oes arnoch angen rhagor o wybodaeth, mae’r Gwasanaeth Gwybodaeth i Deuluoedd hefyd ar gael i gynnig cyngor.
Os oes angen rhagor o wybodaeth arnoch, cysylltwch â Hwb y Blynyddoedd Cynnar.
Defnyddiwch y gyfrifiannell hon i gael gwybod faint y gallech ei gael tuag at ofal plant cymeradwy, gan gynnwys:
Dim ond rhyw 10 munud y dylai gymryd. Bydd arnoch angen gwybodaeth amdanoch chi ac am eich partner (os oes gennych chi un), gan gynnwys:
Gwirio pa help y gallech ei gael gyda chostau gofal plant gyda’r cyfrifiannell gofal plant
Mae gan bob plentyn 3-4 oed yng Nghymru hawl i 10 awr yr wythnos o leiaf o addysg y blynyddoedd cynnar wedi’i hariannu gan y llywodraeth am 39 wythnos o’r flwyddyn. Mae addysg y blynyddoedd cynnar ar gael o’r tymor ar ôl trydydd pen-blwydd plentyn mewn lleoliad blynyddoedd cynnar cymeradwy a all fod yn ddosbarth meithrin mewn ysgol, lleoliad cyn-ysgol cymeradwy neu gylch chwarae/Cylch Meithrin, neu feithrinfa ddydd gymeradwy.
Ewch i adran addysg y blynyddoedd cynnar o’r wefan hon i weld rhagor o fanylion a sut i wneud cais.
O dan y Cynnig Gofal Plant i Gymru, gallech hawlio hyd at 30 awr o addysg gynnar a gofal plant pob wythnos, am hyd at 48 wythnos y flwyddyn. Gallai plant cymwys 3-4 oed fod â hawl i ofal plant wedi’i ariannu gan y llywodraeth o’r tymor ar ôl eu trydydd pen-blwydd nes eu bod mewn addysg amser llawn. Mae hyn yn golygu, yn ogystal â 10 awr o Addysg y Blynyddoedd Cynnar ran amser, gallai’ch plentyn hefyd fod â hawl i 20 awr o ofal plant wedi’i ariannu yn ystod y tymor, a 30 awr yn ystod gwyliau’r ysgol.
Ewch i’n hadran ar y Cynnig Gofal Plant i Gymru o’r wefan hon i weld rhagor o fanylion a sut i wneud cais.
Os ydych chi’n byw mewn ardal Dechrau’n Deg, mae gan eich plentyn hawl i ofal plant wedi’i ariannu am 2.5 awr y dydd, 5 diwrnod yr wythnos am 39 wythnos, o’r tymor ar ôl ei ail ben-blwydd hyd y tymor mae’n cael ei drydydd pen-blwydd.
Ewch i adran Dechrau’n Deg o’r wefan hon i gael gwybod a ydych chi’n byw mewn ardal Dechrau’n Deg a sut i wneud cais.
Mae Gofal Plant Di-dreth yn gynllun gan y llywodraeth sy’n talu 20% o gostau gofal plant hyd at £2000 ar y mwyaf bob blwyddyn. Mae’r cynllun ar agor i holl rieni plant iau na 12 oed (neu iau na 17 oed os ydyn nhw’n anabl). Gallwch wneud cais i agor cyfrif Gofal Plant Di-dreth ar lein.
Ewch i wefan Gov.uk i weld manylion am ofal plant di-dreth.
Os ydych chi’n fyfyriwr ar gwrs gradd sydd â phlant neu os oes oedolyn sy’n dibynnu arnoch chi’n ariannol yn ystod eich astudiaethau, gallwch wneud cais am arian ychwanegol. Cewch wybod mwy ar wefan Cyllid Myfyrwyr Cymru. Mae’n bosibl y bydd myfyrwyr mewn addysg bellach sy’n astudio yng Nghymru yn gallu hawlio help gyda chost gofal plant oddi wrth y Gronfa Ariannol Wrth Gefn. Cysylltwch â’ch ysgol neu’ch coleg i gael rhagor o wybodaeth.
Os ydych chi’n aelod o’r teulu sy’n hŷn nag 16 oed ond yn iau nag oedran Pensiwn y Wladwriaeth ac rydych chi’n gofalu am blentyn iau na 12 oed (fel arfer tra bo’r rhiant neu brif ofalwr yn gweithio) mae’n bosibl bod gennych hawl i hawlio Credydau Yswiriant Gwladol. Mae hyn yn cynnwys gofal rydych chi’n ei ddarparu o bell oherwydd y coronafeirws (COVID-19) – er enghraifft, dros y ffôn neu drwy alwad fideo wrth ichi hunan-ynysu. Cewch wybod mwy ar wefan Gov.uk.
Mae cymorth ar gael i deuluoedd sy’n cael trafferth i ddeall ymddygiad, gweithred neu anghenion eu plentyn trwy helpu i ddod o hyd i gylch chwarae neu feithrinfa addas.
Ewch i’r dudalen we Gofal plant i blant ag anghenion datblygiadol ychwanegol i weld manylion.
Mae’r Weinyddiaeth Amddiffyn wedi cyhoeddi y bydd y Cynllun Gofal Plant Cofleidiol (WAC) yn cael ei gyflwyno’n llawn ledled y Deyrnas Unedig o hydref 2022. Mae gofal plant cofleidiol yn cael ei adnabod fel ‘Gofal y tu allan i’r Ysgol’ yng Nghymru.
O ddechrau tymor yr hydref 2022, bydd cyllid o’r cynllun ar gael i bob teulu cymwys y lluoedd arfog sydd â phlant rhwng 4 ac 11 oed, ac sydd yn yr ysgol neu’n cael eu haddysgu gartref yn y Deyrnas Unedig. Os ydyn nhw’n gymwys, gall personél y lluoedd arfog hawlio hyd at 20 awr yr wythnos o gyllid ar gyfer pob plentyn sy’n mynychu gofal cyn ac ar ôl ysgol yn ystod tymor yr ysgol.
Rhaid i bob plentyn y mae personél y lluoedd arfog eisiau hawlio cyllid o’r cynllun ar ei gyfer fod wedi ei gofnodi gyda’r JPA a rhaid iddo fod â chyfrif Gofal Plant Di-dreth.
Dilynwch ni