Mae’r Cynnig Gofal Plant yn darparu rhieni cymwys gyda 30 awr cyfunol o ofal plant a Darpariaeth Ddysgu Sylfaen (addysg gynnar) a ariennir gan y llywodraeth am hyd at 48 wythnos y flwyddyn.

Mae’r 48 wythnos yn cynnwys 39 wythnos o addysg a gofal plant cyfunol adeg tymor ysgol ynghyd â 9 wythnos o ofal plant y tu allan i dymhorau ysgol.

Byddwch yn atebol am unrhyw ofal plant sy’n cael ei ddefnyddio yn ystod y 4 wythnos na thelir amdanynt. Wythnosau gwyliau ysgol fydd y rhain bob amser.​​

*Mae nifer yr oriau sy’n cael eu cynnig ar gyfer Addysg y Blynyddoedd Cynnar yn amrywio o un ysgol i’r llall. O ganlyniad, bydd y Cynnig Gofal Plant yn talu costau’r oriau ychwanegol sydd eu hangen i sicrhau bod pob plentyn yn cael cyfanswm o 30 awr yr wythnos.

Nid oes angen i chi wneud cais am addysg gynnar er mwyn defnyddio elfen gofal plant y Cynnig. Bydd eich hawl yn cynnwys yr oriau hyn boed ydych yn eu defnyddio ai peidio.  Dysgwch sut i wneud cais am le addysg gynnar.

Mae arian y Cynnig Gofal Plant ar gyfer y gofal plant y mae’r gweithwyr proffesiynol yn y lleoliad yn ei ddarparu. Nid yw’n cynnwys bwyd, trafnidiaeth na gweithgareddau oddi ar y safle y codir cost ychwanegol ar eu cyfer a bydd y darparwyr yn gallu codi ffi arnoch am y rhain.

Os hoffech fanteisio ar y cynllun Gofal Plant Di-dreth i helpu gyda’r costau ychwanegol hyn, bydd angen i chi gyflwyno cais ar wahân ar wefan GOV.UK. Dysgwch fwy am y Cynllun Gofal Plant Di-dreth​.​

Rydych yn gymwys ar gyfer y Cynnig Gofal Plant os ydych yn byw yng Nghymru, bod gennych blentyn 3 neu 4 oed, a’ch bod naill ai:

• Yn gyflogedig neu’n hunangyflogedig ac yn ennill o leiaf yr hyn sy’n cyfateb i 16 awr yr wythnos ar y gyfradd Isafswm Cyflog Cenedlaethol a llai na £100,000 y flwyddyn.
• Wedi’ch cofrestru ar gwrs addysg bellach neu gwrs israddedig neu ôl-radd addysg uwch sydd o leiaf 10 wythnos o hyd.

Os oes gennych bartner sy’n byw gyda chi, rhaid iddo hefyd fodloni’r meini prawf.

Os oes gan eich plentyn anghenion ychwanegol, mae arian ychwanegol ar gael. Cysylltwch â ni os gall fod angen cymorth ychwanegol ar eich plentyn.

Mae rhai eithriadau cymhwysedd yn berthnasol. Gwiriwch a ydych yn gymwys ar gyfer Cynnig Gofal Plant Cymru cyn i chi gyflwyno eich cais​.

Ni allwn gadarnhau a ydych yn gymwys nes ein bod wedi derbyn a phrosesu eich cais gorffenedig.

Bydd angen i chi lanlwytho’r dogfennau ategol canlynol i’ch cais:

• Tystysgrif geni eich plentyn;

• Tystiolaeth o’ch cyfeiriad, e.e. eich llythyr treth Gyngor diweddaraf;

• Eich slipiau cyflog o’r 3 mis diwethaf os ydych yn cael eich cyflogi;

• Eich ffurflen dreth hunanasesiad ddiweddaraf os ydych yn hunangyflogedig;

• Llythyr cofrestru/cadarnhad o le mewn Addysg Bellach neu Addysg Uwch.

Bydd angen i chi lanlwytho tystiolaeth o gymhwysedd y ddau riant os ydych chi’n deulu â dau riant.

Sylwer:

• Mae’r term ‘rhiant’ yn cyfeirio at rieni, gwarcheidwaid cyfreithiol, llys-rieni, rhieni mabwysiadol, gofalwyr maeth, gwarcheidwaid, gofalwyr sy’n berthnasau, gofalwyr sydd â Gorchymyn Gwarchodaeth Arbennig a phartneriaid hirdymor sy’n byw yn yr un cartref â’r plentyn.

• Gall rhieni sydd ar absenoldeb mamolaeth/tadolaeth/rhiant/mabwysiadu ar hyn o bryd wneud cais am y Cynnig Gofal Plant os ydynt yn bodloni’r meini prawf cymhwysedd uchod.

• Mewn teulu rhiant sengl, mae’r meini prawf cymhwysedd uchod yn berthnasol i’r unig riant.

• Mewn teulu dau rieni, mae’r meini prawf cymhwysedd uchod yn berthnasol i’r ddau riant.

• Caiff rhieni fanteisio ar Gredydau Treth, Gofal Plant Di-dreth neu Gredyd Cynhwysol ar yr un pryd â’r Cynnig ar gyfer unrhyw oriau ychwanegol o ofal plant a dalant amdano mewn perthynas â’u plentyn neu blant eraill yn y teulu. Ewch i wefan Childcare Choices am ragor o wybodaeth.

• Ni ellir cadarnhau cymhwysedd nes i ffurflen gais lawn gael ei derbyn a’i phrosesu gan y tîm Cynnig Gofal Plant a’ch bod wedi derbyn cadarnhad drwy e-bost.​

Eithriadau i’r Meini Prawf Cymhwysedd:

• Mewn teulu dau riant lle bo un rhiant yn bodloni’r meini prawf cymhwysedd a bod y rhiant arall yn derbyn budd-daliadau penodol, gallech chi fod yn gymwys i dderbyn y Cynnig Gofal Plant mewn rhai amgylchiadau.Mae hyn yn seiliedig ar y rhiant yn derbyn, neu â hawl sylfaenol i dderbyn, un o’r budd-daliadau cymwys canlynol:
  • Budd-dal analluogrwydd;
  • Lwfans gofalwr;
  • Elfen Gofalwyr Credyd Cynhwysol;
  • Lwfans anabledd difrifol;
  • Budd-dal analluogrwydd hirdymor;
  • Lwfans Cyflogaeth a Chymorth (LCCh);
  • Credydau yswiriant gwladol ar sail analluogrwydd gweithio neu allu gweithio cyfyngedig;
  • Credyd Cynhwysol lle cafodd yr unigolyn ei asesu fel gallu cyfyngedig i weithio.

• Ni fydd teuluoedd lle mae’r ddau riant yn derbyn y budd-daliadau uchod (neu sydd â hawl sylfaenol i’r budd-daliadau uchod), neu’r unig riant mewn teulu un rhiant, yn gallu cael mynediad i’r cynnig gofal plant.

• Os bydd rhieni wedi gwahanu ond nid ydynt yn rhannu cyfrifoldeb cyfartal am warchod y plentyn, bydd y rhiant sydd â’r prif gyfrifoldeb gwarchod yn gymwys i ymgymryd â’r Cynnig (os bydd yn bodloni’r meini prawf cymhwysedd).

• Os bydd rhieni’n rhannu cyfrifoldeb gwarchod cyfartal, bydd angen i un rhiant gael ei enwebu fel y rhiant arweiniol ar gyfer y Cynnig.

• Gallai rhieni sydd mewn addysg neu hyfforddiant ac sydd wedi atal eu hastudiaethau’n ffurfiol oherwydd salwch hirdymor barhau i fod yn gymwys i dderbyn y Cynnig Gofal Plant.

• Gallai rhieni sy’n gyflogedig/hunangyflogedig ond sydd i ffwrdd o’r gweithle dros dro ar absenoldeb salwch statudol ddal i fod yn gymwys i dderbyn y Cynnig Gofal Plant.

Gallwch ddewis unrhyw ddarparwr gofal plant sydd wedi cofrestru ar gyfer y Cynnig Gofal Plant ac sydd wedi’i gofrestru hefyd gydag Arolygiaeth Gofal Cymru.

Click here for a list of Childcare Offer providers in the Caerphilly county borough (Dewis)

Nid yw gwneud cais yn gwarantu lle gofal plant.

Gwrthodir ceisiadau a dderbynnir cyn y dyddiad agor.

Os ydych yn gymwys bydd eich arian yn dechrau ar ôl i chi sefydlu cytundeb gofal plant​ gyda’ch darparwr ac ar ôl i’r cytundeb hwn gael ei dderbyn.​

Gallwch wneud cais ar wefan Cynnig Gofal Plant Cymru.

Mae’r cais hwn ar gyfer y Cynnig Gofal Plant yn unig. Rhaid i chi fynd i Dderbyniadau Meithrin i wneud cais am addysg gynnar​.

Byddwn yn cynnal gwiriadau cymhwysedd bob tymor. Eich cyfrifoldeb chi yw rhoi gwybod i ni a’r lleoliad gofal plant os yw eich amgylchiadau wedi newid.

Os yw amgylchiadau eich teulu wedi newid ac nad ydych yn gymwys ar gyfer y cynllun mwyach, byddwch yn dal i allu manteisio ar y Cynnig am 8 wythnos, gan roi cyfle i chi ddod yn gymwys eto.

Parents already registered for the Childcare Offer for Wales can sign in here. Parents sign in to your Childcare Offer for Wales account | GOV.WALES

Os oes unrhyw gwestiynau gennych neu os hoffech drafod eich cais, yna cysylltwch â ni.

Ffôn: 03000 628 628

Ebost: