Mae’r cynllun Lleoedd a Gynorthwyir yn darparu cyllid i gynorthwyo plentyn, nad yw’n byw o fewn ardal Dechrau’n Deg ac sydd ag anghenion datblygu sy’n dod i’r amlwg, drwy ddarparu gofal plant o ansawdd da yn ystod y tymor cyn dechrau yn eu lleoliad Addysg y Blynyddoedd Cynnar.
Mae cyllid yn cynorthwyo plant mewn lleoliadau gofal plant cofrestredig sydd â chontract gyda ni i ddarparu Lleoedd a Gynorthwyir.
Bydd plentyn yn cael uchafswm o bum sesiwn 2.5 awr yr wythnos, yn ystod y tymor yn unig, hyd at uchafswm o tri dymor cyn cael lleoliad Addysg y Blynyddoedd Cynnar.
Diben y lleoliad yw nodi anghenion eich plentyn cyn dechrau mewn lleoliad Addysg y Blynyddoedd Cynnar. Bydd targedau a strategaethau ar waith i lywio’r lleoliad sy’n caniatáu i ni ddarparu cymorth priodol uwch i ddiwallu anghenion eich plentyn. Dylai’r targedau a’r strategaethau hyn gael eu rhannu â chi a’r lleoliad gofal plant cyn dechrau a’u hadolygu’n rheolaidd drwy gydol y lleoliad.
Ar ddiwedd y cyfnod yn y lleoliad, bydd cyfarfod pontio lle gall pawb arall sy’n ymwneud â chynorthwyo eich plentyn rannu’r wybodaeth ddiweddaraf i gynllunio’r cyfnod pontio i Addysg y Blynyddoedd Cynnar. Bydd gofyn i chi fynychu’r cyfarfod, ynghyd â darparwr gofal plant eich plentyn a darparwr Addysg Blynyddoedd Cynnar.
Mae Lleoedd a Gynorthwyir wedi’u targedu at blant ag anghenion datblygu sy’n dod i’r amlwg sydd fel arfer yn cael cymorth gan dimau Portage neu Ymuno a Chwarae. Os yw eich plentyn yn cael cymorth gan y naill dîm neu’r llall, gyda’ch caniatâd, ac os yw’n briodol, bydd gweithiwr y Blynyddoedd Cynnar yn gofyn am Le a Gynorthwyir. Gan weithio gyda chi, bydd gwybodaeth yn cael ei chasglu gan yr holl weithwyr proffesiynol i’w chyflwyno i’r Panel Anghenion sy’n Dod i’r Amlwg i sicrhau bod pawb dan sylw yn cytuno ar benderfyniad gwybodus.
Os oes cred y gallai fod angen darpariaeth uwch ar eich plentyn i fanteisio ar yr amgylchedd dysgu yn y lleoliad gofal plant, bydd gwybodaeth am anghenion eich plentyn yng nghyd-destun y lleoliad yn cael ei chyflwyno i’r Panel Anghenion sy’n Dod i’r Amlwg. Bydd y panel yn penderfynu ar lefel y ddarpariaeth uwch sydd ei hangen gan gynnwys cynllun i gamu i lawr y lefel erbyn diwedd y lleoliad.
Fodd bynnag, os nad yw’ch plentyn yn cael cymorth gan y naill dîm neu’r llall a’ch bod chi’n teimlo yr hoffech chi gael gwybod rhagor, mae gwybodaeth ar ein tudalen Datblygiad Plant.
Os yw eich plentyn yn cael ei gymeradwyo ar gyfer Lle a Gynorthwyir, byddwch chi’n cael e-bost yn cadarnhau hyn. Bydd angen i chi ddod o hyd i ddarparwr gofal plant addas sydd wedi’i gymeradwyo i gynnig Lleoedd a Gynorthwyir a sicrhau lleoliad. Bydd eich Gweithiwr y Blynyddoedd Cynnar penodedig yn darparu cymorth i chi yn ystod y broses.
Os nad oes gennych chi Weithiwr y Blynyddoedd Cynnar sy’n cysylltu â chi yn rheolaidd, bydd un yn cael ei ddyrannu i chi er mwyn helpu gyda’r broses leoli.
Bydd eich Gweithiwr y Blynyddoedd Cynnar yn eich arwain chi drwy’r broses leoli gan ddefnyddio’r rhestr o ddarparwyr gofal plant isod ac yn cyfeirio at y targedau a’r strategaethau wedi’u cytuno ar gyfer eich plentyn.
Ar hyn o bryd, rydyn ni’n gweithio i gynyddu nifer y darparwyr gofal plant sy’n cynnig Lleoedd a Gynorthwyir. Byddwn ni’n parhau i ddiweddaru’r rhestr o ddarparwyr wrth i ragor o leoedd allu cynnig lleoliad.
Am wybodaeth a chanllawiau ynghylch y pethau i’w hystyried wrth ddewis gwasanaeth gofal plant, ewch i’n tudalen Dod o hyd i ofal plant.
Cyn gall cyllid ddechrau, mae’n rhaid i’ch darparwr gofal plant dewisol roi gwybod i ni am y dyddiad cychwyn a nifer y sesiynau rydych chi’n manteisio arnyn nhw trwy lenwi Ffurflen Lleoli Plentyn Unigol (ICP). Mae’n bwysig bod eich darparwr gofal plant yn llenwi’r ffurflen hon gyda chi’n bresennol i sicrhau bod y ddau barti yn deall y gofynion yn glir. Gall eich Gweithiwr Cymorth y Blynyddoedd Cynnar gynorthwyo gyda hyn os ydych chi’n dymuno.
Ni all y cyllid ddechrau nes bydd y Ffurflen Lleoli Plentyn Unigol wedi’i chymeradwyo a’r cyllid, dyddiad dechrau, dyddiad gorffen a’r oriau wedi’u hariannu wedi’u cadarnhau. Byddwch chi a’r darparwr gofal plant yn cael e-bost i gadarnhau hyn.
Nod Hwb y Blynyddoedd Cynnar yw prosesu eich Ffurflen Lleoli Plentyn Unigol o fewn 10 diwrnod gwaith, ond, gall gymryd hirach mewn cyfnodau prysur. Os yw’r ffurflen yn anghyflawn, gall hyn hefyd oedi’r broses.
Os hoffech chi wneud newidiadau i’ch oriau wedi’u hariannu (ni all hyn fod yn fwy na 5 sesiwn o 2.5 awr), neu ddod â lleoliad i ben yn gynnar, bydd angen i chi drafod hyn â’ch darparwr gofal plant, a bydd rhaid cyflwyno Ffurflen Lleoli Plentyn Unigol newydd.
| ! | Mae’r cytundeb cytundebol i ddarparu gofal plant rhwng y rhieni/gwarcheidwaid a’r darparwr gofal plant a dylid ei orfodi’n gyfreithiol trwy arwyddo contract lleoliad rhwng rhieni/gwarcheidwaid a’u darparwr gofal plant dewisol. |
Os oes gennych unrhyw ymholiadau neu angen cefnogaeth, yna cysylltwch â’r Hwb Blynyddoedd Cynnar os gwelwch yn dda.
Dilynwch ni