Mae gan bob plentyn sy’n byw mewn ardal Dechrau’n Deg yr hawl i le gofal plant wedi’i ariannu ar gyfer y tymor yn dilyn eu hail ben-blwydd hyd at y tymor y mae’n troi’n dair oed ac yn cymryd eu lle mewn addysg y blynyddoedd cynnar.
Mae gan blant yr hawl i 2.5 awr y dydd, 5 diwrnod yr wythnos yn ystod y tymhorau yn unig.
Mae’r gofal plant wedi’i ariannu ar gael naill ai mewn un o’r lleoliadau gofal plant Dechrau’n Deg sy’n cael ei redeg gan y Cyngor neu mewn lleoliad gofal plant arall sydd wedi’i gontractio i ddarparu gofal plant Dechrau’n Deg ar ein rhan ni. Rydyn ni hefyd yn cynnig y dewis i deuluoedd gael mynediad at ofal plant cyfrwng Cymraeg lleol.
Mae presenoldeb rhan-amser rheolaidd mewn gofal plant o ansawdd uchel wedi gwella’n sylweddol y canlyniadau i blant. Os ydych chi’n byw mewn ardal Dechrau’n Deg, rydyn ni’n eich annog chi i gymryd eich lle gofal plant chi.
Defnyddiwch y gwiriwr cod post i weld a yw eich plentyn chi’n gymwys ar gyfer gofal plant Dechrau’n Deg.
Os ydych chi’n byw mewn ardal Dechrau’n Deg, bydd eich ymwelydd iechyd y Blynyddoedd Cynnar chi yn trosglwyddo eich manylion chi i ni sy’n golygu y byddwn ni’n anfon y ffurflen gais atoch chi yn awtomatig drwy e-bost y tymor cyn i’ch plentyn chi ddechrau ei le gofal plant. Am y rheswm hwn, mae’n bwysig bod gan eich ymwelydd iechyd chi rif ffôn a chyfeiriad e-bost cyfredol ar eich cyfer chi. Os oes angen i chi ddiweddaru’r wybodaeth hon, e-bostiwch ni ar DechraunDeg@caerffili.gov.uk.
Os nad ydyn ni wedi cysylltu â chi, defnyddiwch y gwiriwr cod post uchod i weld a yw eich plentyn chi’n gymwys. Os yn gymwys, gallwch chi e-bostio DechraunDeg@caerffili.gov.uk gydag enw eich plentyn chi, dyddiad geni eich plentyn chi a’ch cyfeiriad llawn chi (gan gynnwys y cod post) fel y gallwn ni wirio a yw eich ymwelydd iechyd chi wedi cyflwyno ffurflen gofrestru’r Blynyddoedd Cynnar i ni.
| Dyddiad geni’r plentyn | Y tymor yn dilyn ail benblwydd y plentyn | Bydd ffurflen gais yn cael ei hanfon at rieni |
| 1 – 31 Ionawr | Tymor yr haf (ar ôl y Pasg) | Diwedd Chwefror |
| 1 Ebrill – 31 Awst | Tymor yr hydref (Medi) | Diwedd mis Mai |
| 1 Medi – 31 Rhagfyr | Tymor y gwanwyn (Ionawr) | Diwedd Hydref |
Gallwch chi ofyn i’ch ymwelydd iechyd Dechrau’n Deg chi neu, fel arall, e-bostiwch ni yn DechraunDeg@caerffili.gov.uk gydag enw eich plentyn chi, dyddiad geni eich plentyn chi a’ch cyfeiriad llawn chi gan gynnwys y cod post.
Dilynwch ni