Rydyn ni’n falch iawn o gyhoeddi bod Gofal Plant Dechrau’n Deg bellach ar gael i bob plentyn 2 oed ledled Bwrdeistref Sirol Caerffili!
Mae gofal plant Dechrau’n Deg yn cynnig lleoedd gofal plant wedi’u hariannu i blant 2 i 3 oed sy’n byw ym Mwrdeistref Sirol Caerffili.
Mae lleoedd ar gael o’r tymor yn dilyn pen-blwydd eich plentyn yn ddwy oed hyd at ddiwedd y tymor mae’n cael ei drydydd pen-blwydd ac yn symud ymlaen i Addysg y Blynyddoedd Cynnar.
Mae mynychu gofal plant rhan-amser o ansawdd uchel yn rheolaidd yn gwella’r deilliannau i blant. Rydyn ni’n annog pob teulu cymwys i fanteisio ar y cyfle.
Mae gan blant yr hawl i sesiwn 2.5 awr y dydd, 5 diwrnod yr wythnos, yn ystod tymor yr ysgol yn unig.
Mewn rhai achosion (er enghraifft, teuluoedd sy’n gweithio), efallai y bydd dwy sesiwn y dydd ar gael. Gallwch chi drafod hyn gyda’r darparwr gofal plant Dechrau’n Deg o’ch dewis.
Rhaid i’ch plentyn fodloni’r canlynol:
Rhaid i’r cyfeiriad fod:
Peidiwch â defnyddio:
Bydd angen i chi ddarparu tystiolaeth o’ch cyfeiriad gyda’ch cais.
I’ch helpu chi i wneud cais ar yr adeg gywir, gwiriwch ddyddiad geni eich plentyn yn y tabl isod.
Rydyn ni’n argymell eich bod chi’n gwneud cais yn ystod y cyfnodau ymgeisio dewisol. Gallwch chi wneud cais ar ôl y dyddiad hwn, ond mae lleoedd yn gyfyngedig a gall ceisiadau hwyr olygu llai o ddewis o ddarparwyr gofal plant.
| Dyddiad geni’r plentyn | Cyfnod ymgeisio dewisol | Pryd gall eich plentyn gael mynediad at Ofal Plant Dechrau’n Deg | Dyddiad y cewch eich hysbysu o’r canlyniad |
| 01/09/2023 a 31/12/2023 | Roedd rhwng 01/09/2025 a 03/10/2025 | 05/01/2026 a Rhagfyr 2026 | Within 10 working days of application |
| 01/01/2024 a 31/03/2024 | Roedd rhwng 05/01/2026 a 06/02/2026 | 13/04/2026 a Pasg 2027 | Within 10 working days of application |
| 01/04/2024 a 31/08/2024 | O 13/04/2026 i 15/05/2026 | Medi 2026 a Gorffennaf 2027 | Wythnos yn cychwyn 08/06/2026 |
| 01/09/2024 a 31/12/2024 | 01/09/2026 a 02/10/2026 | 04/01/2027 a Rhagfyr 2027 | Wythnos yn cychwyn 09/11/2026 |
| 01/01/2025 a 31/03/2025 | 04/01/2027 a 05/02/2027 | 05/04/2027 tan Pasg 2028 | Wythnos yn cychwyn 22/02/2027 |
Os yw eich plentyn yr oedran perthnasol ac rydych chi’n byw ym Mwrdeistref Sirol Caerffili, llenwch y Ffurflen Cais am Ofal Plant Dechrau’n Deg.
Bydd angen i chi lanlwytho’r canlynol:
Ymgeisio am Ofal Plant Dechrau’n Deg
Byddwch chi’n cael neges e-bost yn cadarnhau a yw’ch plentyn yn gymwys (gweler y tabl uchod am ddyddiadau hysbysu).
Bydd y neges e-bost hon yn cynnwys:
Mae’r neges e-bost yn cadarnhau cymhwysedd eich plentyn yn unig, nid yw’n sicrhau lleoliad gofal plant. Bydd rhaid i chi drefnu hyn eich hun.
Ar ôl i chi gael eich e-bost cymeradwyo, bydd rhaid i chi gysylltu â lleoliad gofal plant Dechrau’n Deg cymeradwy i drefnu lle.
Mae cymorth ar gael gan y canlynol:
Mae lleoedd gofal plant wedi’u hariannu dim ond ar gael mewn lleoliadau gofal plant cymeradwy sy’n bodloni safonau ansawdd ac sydd dan gontract i ddarparu gofal plant Dechrau’n Deg. Mae hyn yn cynnwys lleoliadau cyfrwng Cymraeg a Saesneg.
Nodyn: Mae lleoedd gwag yn newid yn rheolaidd, ac efallai na fydd gan eich darparwr dewisol le ar gael. Dylech chi hefyd wirio bod modd i’r lleoliad ddiwallu anghenion unigol eich plentyn.
I gael help o ran dewis gofal plant, ewch i’n tudalen Dod o hyd i ofal plant.
Cyn gall y cyllid ddechrau, bydd rhaid i’ch darparwr gofal plant lenwi Ffurflen Lleoli Plentyn Unigol ar-lein. Byddan nhw’n gwybod ble mae’r ffurflen a dylech chi fod yn bresennol i’w llenwi.
Mae’r ffurflen hon yn gwneud y canlynol:
Rhaid i’r ffurflen gynnwys y canlynol:
Mae’r manylion hyn yn eich e-bost cymeradwyo.
Ni all y cyllid ddechrau nes bydd y Ffurflen Lleoli Plentyn Unigol wedi’i chymeradwyo.
Byddwch chi a’r darparwr gofal plant yn cael e-bost i gadarnhau’r canlynol:
Gall hyn gymryd hyd at 20 diwrnod gwaith, efallai’n hirach yn ystod cyfnodau prysur. Os yw’r ffurflen yn anghyflawn, gall hyn oedi’r broses.
Os oes angen i chi wneud y canlynol:
Rhaid i chi siarad â’ch darparwr gofal plant. Bydd angen ffurflen Lleoli Plentyn Unigol newydd er mwyn addasu’r cyllid sy’n dod i law.
Os oes gennych chi unrhyw gwestiynau, cysylltwch â Hwb y Blynyddoedd Cynnar.
Dilynwch ni