Trefniadau Asesu Newydd ar gyfer Plant 0-3 Oed

Disgrifiad o’r cwrs

Mae’r cwrs hwn yn cyflwyno ymarferwyr y blynyddoedd cynnar i’r trefniadau asesu newydd ar gyfer babanod a phlant ifanc 0-3 oed, wedi’u halinio â’r fframwaith Chwarae, Dysgu a Gofal Plentyndod Cynnar (ECPLC). Mae asesu yn y blynyddoedd cynnar yn offeryn hanfodol ar gyfer deall taith ddatblygiadol unigryw pob plentyn ac i gynorthwyo eu lles, ymdeimlad o berthyn, a dilyniant. Mae’r cwrs yn canolbwyntio ar bedwar maes datblygu allweddol: cymdeithasol ac emosiynol, corfforol, cyfathrebu ac iaith, ac archwilio a chwarae. Mae’r meysydd hyn yn dod o Lwybrau Datblygiadol ECPLC ac yn darparu sylfaen gyson ar gyfer dysgu ac asesu yn y dyfodol. Drwy strategaethau ymarferol ac ymarfer myfyriol, bydd cyfranogwyr yn dysgu sut i arsylwi, asesu ac ymateb i anghenion plant mewn ffordd sy’n ystyrlon ac sy’n briodol yn ddatblygiadol.

Deilliannau’r cwrs

Erbyn diwedd y cwrs hwn, bydd cyfranogwyr yn gallu gwneud y canlynol:

• Deall eu rôl nhw fel oedolion sy’n galluogi wrth arsylwi a chynorthwyo datblygiad babanod a phlant ifanc.
• Ymgorffori’r dull Sylwi–Dadansoddi–Ymateb i arfer bob dydd i lywio rhyngweithiadau ymatebol a bwriadol.
• Defnyddio arsylwadau i lywio cynllunio a darpariaeth sy’n diwallu anghenion datblygu unigol.
• Nodi pryd y gallai babanod a phlant ifanc fod angen cymorth ychwanegol a gwybod sut i ymateb yn briodol.
• Defnyddio’r ddogfennaeth newydd yn hyderus i gofnodi asesiadau cychwynnol ac ymadael yn unol â chanllawiau’r fframwaith ECPLC.
• Dyfnhau eu dealltwriaeth o’r llwybrau datblygiadol ar gyfer plant 2-3 oed.
• Cymhwyso strategaethau ymarferol ar gyfer arsylwi ac asesu cynnydd ar draws y pedwar maes datblygu allweddol.

Costau

Ddim yn berthnasol

Sesiynau

Mae’r amserlen hyfforddi bresennol ar gael yma

Gwneud cais am le

I wneud cais am le, cwblhewch ein ffurflen gais ni am hyfforddiant.

Os yw’r lle ar gael, bydd yn cael ei recordio ar Dewis a byddwch chi’n cael gwybod drwy e-bost.

Ymholiadau

Ffoniwch ein sef Hwb y Blynyddoedd Cynnar ar 01443 863232.