Helpu’ch plentyn i ddod o hyd i’w lais – Mudandod Dethol – Adnodd Newydd

Helpu’ch plentyn i ddod o hyd i’w lais – Mudandod Dethol – Adnodd Newydd

Rydyn ni’n gwybod y gall fod yn destun pryder pan fydd eich plentyn yn ei chael hi’n anodd siarad mewn rhai sefyllfaoedd. Nid ydych chi ar eich pen eich hun – ac mae cymorth ar gael.

Mae Therapyddion Iaith a Lleferydd Arbenigol o Fwrdd Iechyd Prifysgol Aneurin Bevan a ledled Cymru wedi llunio cyfres o adnoddau sydd wedi’u cynllunio i helpu rhieni i ddeall a chynorthwyo plant â Mudandod Dethol.

Mae’r adnodd hwn wedi’i gynllunio i ddarparu syniadau ymarferol, sicrwydd ac arweiniad er mwyn i chi allu helpu eich plentyn i deimlo’n ddiogel ac yn hyderus – gartref ac yn yr ysgol.

Beth yw cynnwys yr adnodd hwn?

• Beth yw Mudandod Dethol? – Cyflwyniad syml i rieni.
• Rhesymau posibl pam nad yw eich plentyn yn siarad yn y feithrinfa neu’r ysgol – Deall y rhesymau posibl.
• Syniadau da i rieni – Ffyrdd ymarferol o gynorthwyo plentyn â mudandod dethol gartref.
• Sut i osgoi ymateb ar ran eich plentyn – i osgoi cryfhau ei fudandod dethol.
• Technegau allweddol er mwyn lleihau gorbryder – i gynorthwyo plentyn â mudandod dethol.
• Canllawiau pontio – Cymorth yn ystod cyfnodau pontio i’r ysgol gynradd a’r ysgol uwchradd.

Mae’r Padlet ar gael yma: Adnoddau mudandod dethol ar gyfer rhieni a staff addysg